Ozarbayjondagi Iqtisodiy va ijtimoiy rivojlanish markazi (CASD) hamda Ijtimoiy tadqiqotlar markazi (SRC) vakillari o‘rtasida uchrashuvlar bo‘lib o‘tdi.

Baku shahrida bo‘lib o‘tgan ushbu uchrashuvlarda asosiy e’tibor o‘zaro hamkorlik aloqalarini yo‘lga qo‘yish, tajriba almashish va ushbu yo‘nalishda tadbirlar o‘tkazish, demokratik islohotlar tahlili yo‘nalishida hamkorlik loyihalarini amalga oshirish, mutaxassislar malakasini oshirish masalalariga qaratilib, kelgusida tashkilotlar o‘rtasida hamkorlik memorandumini imzolash istagi bildirildi.

Uchrashuvlarda o‘zaro hamkorlikning rivojlanishi O‘zbekiston va Ozarbayjon davlatlari o‘rtasidagi do‘stona aloqalarning yanada mustahkamlanishida katta mazmun kasb etishini e’tirof etildi.