Оролбўйи минтақасини ўрмонзорлаштиришнинг аҳоли саломатлиги ва экологияни барқарорлаштиришдаги ўрни

Орол денгизининг қуриши XX асрнинг энг йирик экологик фалокатларидан бири сифатида қайд этилади. Марказий Осиё ҳудудида жойлашган бу денгиз илгари дунёдаги энг катта ички сув ҳавзаларидан бири бўлган. Бироқ, инсон фаолияти, айниқса, нотўғри сув сиёсати натижасида унинг ҳажми кескин камайиб, жиддий экологик, ижтимоий ва иқтисодий муаммоларни келтириб чиқарди.