Bugun, 14-noyabr kuni Demokratik jarayonlarni tahlil qilish markazida «Siyosiy partiyalarning targ‘ibot-tashviqot ishlari samaradorligini oshirishda zamonaviy siyosiy texnologiyalarning ahamiyati» mavzusida davra suhbati bo‘lib o‘tdi.
2 434
«Yuksalish» UMH tomonidan tashabbus qilingan «Fuqarolik jamiyati» haftaligi doirasidagi ushbu davra suhbatida nodavlat notijorat tashkilotlari, siyosiy partiyalar hamda ommaviy axborot vositalari vakillari ishtirok etishdi.
Davra suhbatida ijobiy imij yaratishda mediamakonning o‘rni, aholining ijtimoiy kayfiyatini o‘rganish, partiyalar dasturiy maqsad va vazifalari jozibadorligini namoyon etish, saylovga tayyorgarlik va saylovoldi tashviqotining muhim jihatlari hamda saylovchilar xayrixohligini oshirishda milliy va xorijiy tajriba mavzulari yuzasidan qizg‘in muhokamalar bo‘ldi.
