Kengashlar faoliyatini rivojlantirish – muhim vazifa

2024-yil 21-may kuni Demokratik jarayonlarni tahlil qilish markazi Xorazm viloyati hududiy boʻlinmasi tomonidan “Xalq deputatlari Kengashi faoliyatida kotibiyatlarning oʻrni” mavzusida  oʻquv-seminari tashkil etildi.

Xalq deputatlari Xorazm viloyati kengashi kotibiyati bilan hamkorlikda oʻtkazilgan seminarda mahalliy Kengash va kotibiyatlar faoliyatini kuchaytirishning muhim jihatlari xususida mulohazalar bildirildi.

Tadbirda mahalliy kengashlarning samarali faoliyat yuritishida kotibiyatlar, siyosiy partiya deputatlik guruhlari va doimiy komissiyalar rolini yanada oshirish yuzasidan takliflar bildirildi.