Jizzaxda Respublika ilmiy-nazariy konferensiyasi boʻlib oʻtdi
2024-yil 1-iyun kuni Jizzax viloyatida “Oʻzbekiston-2030” strategiyasini amalga oshirishda fuqarolik jamiyati institutlarining oʻrni” mavzusida Respublika ilmiy-nazariy Konferensiyasi boʻlib oʻtdi.
Demokratik jarayonlarni tahlil qilish markazi Jizzax viloyati hududiy boʻlinmasi tashkil etgan ushbu tadbirda Strategiyada belgilangan maqsadlarga erishishda fuqarolik jamiyati institutlarining roli, ijtimoiy sheriklik munosabatlari huquqiy asoslari, shuningdek, NNTlar va fuqarolik jamiyati boshqa institutlari faoliyatini rivojlantirish borasida amalga oshirilayotgan ishlar tahliliy muhokama etildi.
Konferensiyada “Demokratik islohotlar jarayonida fuqarolik jamiyati institutlari roli”, “Davlat organlari va NNTlari oʻrtasidagi ijtimoiy sheriklik hamda jamoatchilik nazoratining ahamiyati” kabi mavzularda maʼruzalar tinglandi.
Tadbir haqida hamda Konferensiya toʻplami bilan tanishishingiz uchun havola.