Demokratik jarayonlarni tahlil qilish markazida Germaniyadagi “G‘arb-Sharq uchrashuvlari” jamg‘armasi Boshqaruv kengashi a’zosi Dirke Udo Frike bilan uchrashuv tashkil qilindi

🟢Mazkur uchrashuvda Markaz tashabbusi bilan xalqaro va mahalliy hamkorlar bilan birgalikda 19 sentyabr — “Xalqaro demokratiya kuni” munosabati bilan tashkil qilinayotgan xalqaro konferensiya borasida fikr almashildi. 

🟢Shuningdek, muloqot chog‘ida Dirke Udo Frikega Markaz faoliyati haqida ma’lumot berilib, jamg‘arma bilan hamkorlik o‘rnatish va o‘zaro aloqalarni rivojlantirish masalalari muhokama qilindi. Mehmon Markaz bilan turli yo‘nalishlarda hamkorlik qilish, qo‘shma loyihalarni amalga oshirishga tayyor ekanini ta’kidladi.

💬 Dirk Udo Frike — nemis muhandisi, maslahatchi, DUF Consulting (Leypsig) kompaniyasi asoschisi va rahbari. Uning kompaniyasi Germaniyaning Sharqiy Yevropa va MDH mamlakatlari bilan iqtisodiy hamda madaniy munosabatlarni kengaytirishga ixtisoslashgan.