The Dushanbe Water Conference: A Broad Field of Activity for Civil Society Institutions

2026 yil 25–28 may kunlari Dushanbe shahrida bo‘lib o‘tadigan "Suv uchun barqaror rivojlanish" xalqaro o‘n yilligi doirasidagi 4-yuqori darajali konferensiya global miqyosdagi yirik muloqot platformasiga aylanmoqda.
Tashkilotchilar ma’lumotiga ko‘ra, tadbirda 2 500 dan ortiq delegat ishtirok etishi kutilmoqda. Ishtirokchilar orasida davlat tuzilmalari va xalqaro tashkilotlar bilan bir qatorda fuqarolik jamiyati institutlari vakillari ham muhim o‘rin egallaydi.
Fuqarolik jamiyati tashkilotlari:
— suv resurslarini boshqarishdagi ijtimoiy nazorat,
— ekologik tashabbuslarni ilgari surish,
— aholining xabardorligini oshirish,
— barqaror rivojlanish maqsadlarini amalga oshirishga ko‘maklashish yo‘nalishlarida faol ishtirok etishi kutilmoqda.
Konferensiya fuqarolik jamiyati institutlari uchun hukumatlar va xalqaro tashkilotlar bilan bevosita muloqot qilish, tajriba almashish hamda global suv siyosatiga ta’sir ko‘rsatish uchun muhim maydon bo‘lib xizmat qiladi.
Ushbu forum suv resurslarini adolatli boshqarish va barqaror rivojlanish bo‘yicha hamkorlikni yangi bosqichga olib chiqishi kutilmoqda.