Марказ 2023-йил 9-январда Адлия вазирлиги томонидан рўйхатга олинган. Ташкилот марказий аппарат  ва 14 та ҳудудий бўлинмадан иборат. Марказ фаолиятининг асосий мақсади жойларда ижтимоий-сиёсий ва ижтимоий-иқтисодий жараёнларни мониторинг қилиш ва прогнозлаш, ахборот маконининг ғоявий мазмунини тизимли таҳлил қилиш, ҳудудлар ва мамлакат даражасида маънавий-маърифий муҳитни соғломлаштириш, миллий бирдамлик ва конфессиялараро тотувликни таъминлашга қаратилган чораларни ишлаб чиқишдан иборат. Марказ фаолиятини ихтиёрийлик, қонунийлик, коллегиаллик, тенг ҳуқуқлилик, ошкоралик ва ўзини ўзи бошқариш принципларига асосланади.